Спонтаниот хематом во обвивката на правиот абдоминален мускул е акумулација на крв во обвивката на правиот абдоминален мускул како резултат на руптура на епигастричните крвни садови или руптура на самиот… Click to show full abstract
Спонтаниот хематом во обвивката на правиот абдоминален мускул е акумулација на крв во обвивката на правиот абдоминален мускул како резултат на руптура на епигастричните крвни садови или руптура на самиот мускул. Се дефинира како спонтан кај пациенти каде отсуствува анамнеза за абдоминална траума. Може да е лоциран супра или инфра умбиликално. Иако точната инциденција е непозната, Kingler и соработниците опсервирале 23 случаи (1,8%) на хематом во обвивката на правиот абдоминален мускул кај 1257 пациенти евалуирани со ехосонографија за акутни абдоминални нарушувања. Eхосонографијата може да придонесе во дијагнозата, но КТ е најточна во можноста да се дефинира лезијата. Кога се дијагностицира клинички, најчесто се започнува со конзервативен третман. Само во случај на неуспешен супортивен третман, прогресивен и голем хематом и хемодинамски нестабилен пациент, интервентниот третман вклучувајќи хируршка интервенција или некој од поновите помалку инвазивни методи е индициран. Приказ на случаи: Презентираме два случаи со спонтан хематом во обвиката на правиот абдоминален мускул кај пациенти на орална антикоагулантна терапијa (acenocoumarol). Главен симптом беше нагло настаната акутна абдоминална болка. При прием беа хемодинамски стабилни. По сеопфатно земена анамнеза и детален клинички преглед беше поставена суспекција за спонтан хематом во обвивката на правиот абдоминален мускул која подоцна беше и потврдена со помош на ултрасонографија и КТ. Обата пациента беа успешно конзерватино третирани и испуштени од болница во добра општа состојба. Заклучок: Презентираните два случаи илустрираат точна дијагностика и конзервативен третман на спонтан хематом во обвивката на правиот абдоминален мускул со оптимален исход. Извадок
               
Click one of the above tabs to view related content.